Әмина Өмірзақова өмірінің тарихи тізбесі

1919 - 8 наурызда Шығыс Қазақстан облысы, Абай ауданы, Қарауыл ауылында дүниеге келген.
1938 - Ленинград қаласындағы (қазір Санкт-Петербург) музыка және кинематография институтын бітіреді.
1938 - Мәскеуге КСРО Жоғарғы Кеңесі Президиумының төрағасы М. И. Калининнің қабылдауына барып, «халық жауы» деген жаламен тұтқында отырған ағасы Қаптағайды түрмеден босатып алады.
1938-1940 - Шымкент облыстық драма театрында қызмет атқарады.
1940 - Мұхтар Әуезов атындағы Қазақ мемлекеттік академиялық драма театрының труппасында жұмыс істеді.
1940 - Тұңғышы Ләйлә дүниеге келді.
1942-1949 - «Қазақфильм» киностудиясында қызмет атқарды.
1945 - Ұлы Талас өмірге келді.
1945 - «Абай әндері» фильмінде Ажар рөлін сомдады.
1949 - Қазіргі Ғабит Мүсірепов атындағы Қазақ мемлекеттік академиялық балалар мен жасөспірімдер театрына актриса болып қабылданады.
1956 - «Қанатты сыйлық» фильмінде мұғалима бейнесін экранға алып шықты.
1958 - Бүкілодақтық балалар және жасөспірімдер театрлары фестивалінің дипломымен марапатталды.
1960 - «Бір ауданда» фильмінде Айша рөлінде ойнады.
1963 - «Ана туралы аңыз» фильмінде Ана бейнесін сомдады.
1964 - Қазақстан және Орта Азия республикаларының кино өнері бойынша өткен байқаудың 1-ші сыйлығына ие болды.
1966 - Қазақ КСР-інің Мемлекеттік сыйлығын иеленді.
1968 - Ш. Аймановтың «Тақиялы періште» фильмінде Тана ролін сомдады.
1969 - Қазақстан және Орта Азия республикаларының киноөнері бойынша өткен 8-ші байқауының сыйлығымен марапатталды.
1975 - Дулат Исабековтің шығармасының желісімен түсірілген «Гауһартас» фильмінде әулеттің ақ жаулықты әжесін сомдады.
1996 - өз ұлы режиссер Талас Өмірзақовтың «Әмина» автобиографиялық фильмінде өзін-өзі ойнады.
2001 - «Тарлан» сыйлығының иегері.
2006 - 26 қыркүйекте 87 жасында дүние салды.