"Астананың 10 жылдығы"мерекелiк медалi
Біздің мемлекетіміздің қайталанбас бойтұмары «Бәйтерек» кескіні мерекелік медальдарды да әшекейлейді. " Астананың 10 жылдығы" мерекелiк медалi Қазақстан Республикасы Президентi Н. Назарбаевтың 2008 жылғы 6 мамырдағы жарлығына сәйкес қолданыста.
Мерекелік медальмен Қазақстан Республикасы мен оның астанасының дамуы мен қалыптасуына елеулi үлес қосқан мемлекеттiк органдардың, өндiрiстiк саланың қызметкерлерi, мәдениет, ғылым, бiлiм, денсаулық сақтау қайраткерлерi, қоғамдық бiрлестiктер өкiлдерi және шетел азаматтары Қазақстан
Республикасының Президентiне Қазақстан Республикасы Парламентi палаталарының төрағалары, Үкiметi, Конституциялық Кеңесi, Жоғарғы Соты, министрлiктер, өзге де орталық мемлекеттiк органдар, Астана, Алматы қалаларының және облыстардың әкiмдерi, қоғамдық бiрлестiктер енгiзген ұсыныстар бойынша наградталады.
"Астананың 10 жылдығы" мерекелiк медалi латуннен дайындалады, диаметрi 40 мм дұрыс көпқырлы нысанында болады. Медальдiң бет жағында дұрыс сегiзқырлының бұрыштарында ұлттық ою-өрнек
элементi орналасқан, сегiзқырлының бұрыштарының арасында күн сәулелерiн бейнелейтiн бес-бестен штрал сызықтар таралған. Сегiзқырлының ортасында шеңбер бейнеленген, шеңбердiң ортасында сол жақ жоғары бұрышында үш жолға жазылған "10 ЖЫЛ АСТАНА" деген жазу бар, ортасында Қазақстан Республикасы Президентiнiң "Ақорда" Резиденциясы мен "Астана-Бәйтерек" монументi бейнеленген. Бет жағының үстi жылтыр болып келеді.
