3 сәуір күні кітапханада көптен күткен айтулы оқиға – толық реконструкциядан өткен конференц-залдың салтанатты ашылуы өтті. Кітапхананың 130 жылдығы аясында бұл жаңарту жұмыстары өңірдің сенімді серіктесі – «КАЗЦИНК» ЖШС-нің ауқымды қолдауының арқасында жүзеге асты.

15 сәуір күні  кітапханамыздың ұйымдастыруымен абайтану ғылымының негізін қалаған ғалым, алаштанушы, шәкәрімтанушы Қайым Мұхамедхановтың 110 жылдығына арналған «Абайдың інісі, Алаштың ірісі» атты республикалық онлайн форсайт-форум өтті.

18 сәуір күні сағат 15:00-де А. С. Пушкин атындағы облыстық кітапхана сіздерді Орал аңыздары әлеміне шақырады. Екатеринбургтегі «Бажов» қорының халықаралық жобасы аясында көрермендер ұлы ертегішінің кинематографиялық әлеміне терең бойлай алады.

2026 жылдың 8 сәуір күні А.С. Пушкин атындағы Шығыс Қазақстан облыстық кітапханасында жазушы, ұстаз, ҚР Журналистер одағының мүшесі, ҚР Мәдениет саласының үздігі, драматург әрі сыншы Айзат Рақыштың «Анамыз бір, алайда…» атты кітабының онлайн таныстырылымы өтті.

 9 сәуірінде А.С. Пушкин атындағы облыстық кітапханада ұлт-азаттық қозғалыстың негізін қалаушы, көрнекті қоғам және мемлекет қайраткері Әлихан Бөкейханның туғанына 160 жыл толуына орай «Алаш ардақтысының аманаты» атты дөңгелек үстел өтті. Іс-шара «Ақ жол» демократиялық партиясының Шығыс Қазақстан облыстық филиалымен бірлесіп ұйымдастырылды.

24 сәуір күні А.С. Пушкин атындағы Шығыс Қазақстан облыстық кітапханасында ақын, филология ғылымдарының докторы, профессор, Қазақстан Жазушылар одағының мүшесі, Халықаралық «Алаш» әдеби сыйлығының лауреаты, Қазақстанның еңбек сіңірген қайраткері Жанат Әскербекқызының 60 жас мерейтойына арналған «Жанат оқулары» облыстық байқауы өтті.

30 сәуір күні кітапханада ұстаз, ақын, Қазақстан Жазушылар одағының мүшесі, Катонқарағай ауданының Құрметті азаматы Төлеген Рақымжанұлының өмірі мен шығармашылығына арналған «Өлеңімнің өзегі – Өр Алтайым» атты облыстық байқау өтті.