«Барлық мамандық маңызды, барлық мамандық қажет»: интерактивті көрмесі

Қаңтар айынан бастап А.С. Пушкин атындағы Шығыс Қазақстан облыстық кітапханасында жұмысшы мамандықтар жылына арналған «Барлық мамандық маңызды, барлық мамандық қажет» атты интерактивті көрме жұмыс істейді.

Мемлекет басшысының 25 желтоқсан 2024 жылғы Жарлығымен биылғы жыл елімізде жұмысшы мамандықтар жылы болып жарияланды. Бұл маңызды оқиға кәсіптік білім беру реформасының маңыздылығын және ел экономикасын дамытудың негізгі көзі ретінде әртүрлі жұмысшы мамандарының еңбегін тану қажеттілігін көрсетеді. Президент Қазақстан халқына Жолдауында кәсіптік білім беруді реформалаудың маңыздылығы туралы айтқан болатын. Ол «адал, қажырлы еңбекпен жетістікке жеткен адамдар әрқашан құрмет пен марапатқа ие болуы керек» деп атап өткен еді.
Көрмеде «Мұнай және газ өндіру», «Тау-кен ісі», «Автомеханика», «Электр жабдықтарын баптау» т.с.с. көптеген мамандықтар бойынша оқу құралдары мен материалдар ұсынылды. Бұл материалдар қоғам өмірінде шешуші рөл атқаратын жұмысшы мамандықтарының маңызды аспектілерімен тереңірек танысуға мүмкіндік береді.
Өз кезегінде көрме - жұмысшы мамандық иелерінің беделін арттырудағы маңызды қадамдардың бірі оларды жастар арасында таныстыру болып табылады. Электрик, дәнекерлеуші, механик, құрылысшы немесе инженер сияқты кәсіптердің еңбек нарығында сұранысқа ие екенін түсіну және де сол мамандық иелеріне деген құрметті арттыруға көмектеседі.
Интерактивті экспозиция қоғамда жұмысшы мамандықтар жылын насихаттауға қандай идеялар бағытталған? Халықтың әртүрлі санаттары арасында олардың беделін қалай көтеруге болады? және басқа да көптеген сұрақтарға жауап береді.
Мемлекет басшысы өз сөзінде «Ел болашағы – білімді жастардың қолында», - деп атап өткен.
Көрме жыл бойы жұмыс істейді және жаңа материалдармен толықтырылып отырады. Бұл оқушылар мен ата-аналарға ғана емес, сонымен қатар жастармен кәсіби бағдар беру мәселелері бойынша жұмыс істейтін педагогтарға да пайдалы болып табылады.

Байланыс телефоны: 261333