#AltaiPhotoLife көрмесіне шақырамыз!

30 қарашасында А.С.Пушкин атындағы ШҚ облыстық кітапханасында Катонқарағай ұлттық паркі 3-ші аймақтық #AltaiPhotoLife фотобайқауының көрмесінің ашылуы және жеңімпаздарды марапаттау салтанатын өткізді.

Байқауға Шығыс Қазақстан және Абай облыстарынан, Ресей Федерациясы мен Германиядан 400-ден астам өтінім келіп түсті. Әр жұмыс табиғатқа деген сүйіспеншілік пен шеберлікті көрсетеді.
Көрменің мақсаты – қоршаған ортаға ұқыпты қарау идеясын дәріптеу, адам мен табиғаттың өзара байланысына назар аудару және табиғи алуан түрлілікті сақтау.
Көрмеде 100 үздік жұмыс, оның ішінде 32 жүлделі сурет ұсынылған. Оларды табиғатымызды қорғау мен дамытуға өмірін арнаған кәсіби қазылар алқасы мұқият іріктеп алды.
Көрме жылдың аяғына дейін жалғасады. Алтай табиғатының сұлулығын талантты фотографтардың көзімен тамашалап, шабыт алыңыз және табиғатты қорғау идеяларын қолдауға үлес қосыңыз!

Байланыс тел.: 261333 (119)