+7(7232) 261-333 
pushkinlibrary@yandex.kz
Tue- Fri: 8:00-18:00
|
«Зұлмат жылдар елесі»
28 May
«Бала күлкісі – әлемнің көркі»
Балалардың күлкісі мен қуанышы – әлемнің ең шынайы сұлулығы. 1 маусым – Халықаралық балаларды қорғау күніне орай кітапхана қабырғасында өтетін «Бала күлкісі – әлемнің көркі» атты мерекелік бағдарламаға шақырамыз!
Мерекелік іс-шара балалардың арманына қанат бітіріп, жазғы демалыстарын есте қаларлықтай өткізулеріне арналған. Бағдарлама аясында балалар мен ата-аналар үшін түрлі қызықты, танымдық және шығармашылық шаралар ұйымдастырылады:
• «Ғажайып кітап әлеміне саяхат» – квест-ойынында қатысушылар кітап әлемінің құпияларына саяхат жасап, жұмбақтарды шешіп, ұтымды ой мен тапқырлықтарын сынайды.
• «Жаздың қызықты оқиғалары» – дауыстап оқу сағатында балалар жаз мезгілінің жарқын сәттері туралы қызықты шығармаларды дауыстап оқып, бір сәтке кейіпкерлер әлеміне еніп, қиялын шарықтатады.
• «Шеберлер мектебі» – қолөнер үйірмелері мен шеберлік сағаттары. Балалар өз қолымен бұйымдар жасап, шығармашылық дағдыларын дамыта алады.
• «Жазғы оқу» интерактивті кітап көрмесі мектеп оқушыларына арналған үздік әдебиеттерді қамтып, жазғы оқу бағдарламасын қызықты әрі пайдалы етеді.
• «Кітап патшалығы» – интерактивті викторинасында кітаптар туралы білімін сынағысы келетіндер үшін қызықты сұрақтар мен жүлделер күтіп тұр.
• «Ертегілер елінде» – ойындар мен конкурстарда балалар ертегі кейіпкерлерімен бірге ойнап, түрлі конкурстарға қатысып, ерекше көңіл-күйге бөленеді.
Шараға барлық балаларды, ата-аналарды, кітап сүйер қауымды шақырамыз!
