«Евгений Петрович Михаэлис: ғылыми мұра және мәдени естелік»

29 қыркүйекте сағат 11:00-де А.С. Пушкин атындағы Шығыс Қазақстан облыстық кітапханасында «Евгений Петрович Михаэлис: ғылыми мұрасы және мәдени естелік» тақырыбында дөңгелек үстел өтеді.

Іс-шара Шығыс Қазақстанды зерттеуге және дамытуға елеулі үлес қосқан көрнекті зерттеуші, қоғам қайраткері әрі ағартушы Евгений Петрович Михаэлистің ғылыми, ағартушылық және мәдени мұрасына арналады.
Михаэлис өңір тарихында өлкенің табиғаты мен географиясын зерттеуші, қоғамдық және мәдени-ағартушылық өмірге белсенді қатысушы ретінде айрықша із қалдырды. Оның есімі ғылым мен білімнің, кітапхана және музей ісінің дамуы, сондай-ақ Шығыс Қазақстанның мәдени ортасының қалыптасуымен тығыз байланысты.
Дөңгелек үстел аясында қарастырылатын тақырыптар:
Е.П. Михаэлистің өңірлік ағарту ісі мен ғылымды дамытуға қосқан үлесі;
Михаэлистің өлкенің мәдени ортасын қалыптастыруға қатысуы;
Михаэлистің ғылыми және өлкетанушылық зерттеулері;
Михаэлис қоғамдық естелікте: музейлер, архивтер, кітапханалар;
Тарихи естелікті сақтау және Е.П. Михаэлистің есімін насихаттаудың заманауи тәсілдері.
Құжаттық және материалдық мұраны сақтау мәселелеріне, өңір тарихын зерттеудегі мәдениет мекемелерінің рөліне, сондай-ақ Шығыс Қазақстан тұрғындары арасында Михаэлистің есімін насихаттаудың заманауи мүмкіндіктеріне ерекше назар аударылады.
Шараға музей, кітапхана және архив саласының өкілдері, өлкетанушылар, тарихшылар, зерттеушілер, жазушылар және тарихи-мәдени мұраны қорғау саласының мамандары қатысады.