«Кәкенталдым – қасиетті мекенім»: кітабының тұсаукесері

10 қазан күні А.С. Пушкин атындағы Шығыс Қазақстан облыстық кітапханасында Өскемен қаласының тұрғыны Назигүл Уалханқызы Шағырованың «Кәкенталдым – қасиетті мекенім» атты кітабының тұсаукесері өтті.

Кітапта автордың кіндік қаны тамған Кәкенталды ауылы, балалық шақ естеліктері, ауылдастарының өмірі мен тағдырлары баяндалады. Шығармада туған мекенге деген сүйіспеншілік пен өткенге деген құрмет көрініс тапқан.
Кездесу барысында Назигүл Шағырова шығармашылық жолы мен кітаптың жазылу тарихына тоқталып, оқырмандармен ой бөлісті. Автордың айтуынша, туған ауыл туралы жазу – балалық шаққа оралу ғана емес, өзі өскен ортаның шежіресін сақтап, елге еңбегі сіңген жандардың өнегелі өмірін дәріптеудің жолы.
Назигүл Уалханқызы бұған дейін «Өмір өткелдері» және «Қызыма хат» атты кітаптарын жарыққа шығарған. Жаңа туындысы да автордың өмірлік тәжірибесі мен рухани ізденістерінің жалғасы іспетті.
«Кәкенталдым – қасиетті мекенім» кітабы – туған ауылдың тарихын, адамдары мен естеліктерін арқау еткен тағылымды еңбек.
Тұсаукесерге қатысқан қонақтар авторды жаңа кітабының жарық көруімен құттықтап, шығармашылық еңбегіне ізгі тілектерін білдірді.