«Экология өзімізден басталады»: Танир Яссамен кездесу

21 қазан сағат 14.00-де А. С. Пушкин атындағы Шығыс Қазақстан облыстық кітапханасында «Қоғамның экологиялық даму орталығы» ҚБ басшысы Танир Яссамен жастардың кездесуі өтеді.

Кездесу тақырыбы – «Таза Қазақстан: экология өзімізден басталады».
Қазақстан Республикасы күні қарсаңында өтетін кездесу «Таза Қазақстан» қоғамдық экологиялық бастамасы аясында ұйымдастырылып, әрқайсымыздың қоршаған ортаны қорғауға, айналамыздағы кеңістікті таза әрі жайлы етуге қалай үлес қоса алатынымызға арналады.
Әр адам үшін экология неден басталады? Бір адамның әрекеті қоршаған ортаға қандай нақты өзгеріс әкеле алады? Жастар үлкен ресурстар мен қомақты қаржыландыруды қажет етпей-ақ, қандай экологиялық бастамаларды жүзеге асыра алады? Осы және басқа да өзекті мәселелерді қатысушылар арнайы шақырылған сарапшымен бірге талқылайтын болады.
Кездесу барысында Шығыс Қазақстан үшін өзекті экологиялық мәселелер, заманауи бастамалар және жастардың экологиялық мәдениетті қалыптастыруға қатысу мүмкіндіктері сөз болады. Қатысушылар өздерін қызықтырған сұрақтарын қойып, тәжірибелерімен бөлісіп, экологиялық жоба немесе пайдалы бастаманы неден және қалай бастауға болатыны туралы мағлұмат ала алады.
Кездесу соңында қатысушыларға қарапайым ғана «Мен алдағы бір апта ішінде не өзгерте аламын?» деген сұрақ төңірегінде ойлану ұсынылады. Өйткені қоршаған ортаға жауапкершілікпен қарау әрқайсымыздың күнделікті қабылдайтын шешімдеріміз бен жасайтын әрекеттерімізден қалыптасады.
Барша жастарды экология, жауапкершілік және әрқайсымыздың өз еліміз үшін бүгіннен бастап жасай алатын нақты әрекеттеріміз туралы ашық әңгімеге шақырамыз.

                                                                                                                                                                     Анықтама тел.: 261-333