«Талантқа тағзым...»: еске алу кеші

12 желтоқсан күні сағат 14.00-де А.С. Пушкин атындағы облыстық кітапханада ақын, Тарбағатай ауданының Құрметті азаматы Хамит Балшабековтың 85 жылдығына орай «Талантқа тағзым...» атты еске алу кеші өтеді.

Іс-шара аясында ақынның өлеңдерін мәнерлеп оқудың облыстық байқау ұйымдастырылады. 
Хамит Балшабеков - Тарбағатай ауданының мәдениет саласында елеулі істер атқарып, ақындықпен қатар актерлік өнерін де шыңдай білген жан. «Жылқышы әні» атты алғашқы жыр жинағы 1969 жылы «Жазушы» баспасынан жарық көреді. Кейінгі жылдары «Суырлының сұлу арқасында», «Өмір мен саған ғашықпын», «Қантамыр», «Балтамыр», «Шұғыла көңіл» атты жаңа жыр жинақтары жарық көрді. Өлеңдері «Тарбағатай ақындары жырлайды» атты жинаққа енген. Жиырмадан астам өлеңдеріне ән жазылған. «Мұзтаудың мұзбалағы», «Ұрпақ дауысы», «Әнші қыз», «Қосқарагөз», «Қос бұрым», «Жалши әні» өнер сүйер қауымның сүйіп тыңдайтын әндеріне айналған.
Байқаудың мақсаты - Хамит Балшабековтың шығармашылығын халыққа, әсіресе жастар арасында насихаттау, тіл мәдениетін көтеру, жергілікті талантты жастарға қолдау көрсету. 
Байқаудың негізгі шарттары:
- Хамит Балшабеков өлеңдерін мәнерлеп оқу;
- Байқау 16-25 жас аралығындағы жастар арасында өткізіледі. 
Байқауға қатысуға өтінім 2024 жылдың 1 желтоқсанына дейін This email address is being protected from spambots. You need JavaScript enabled to view it. поштасына қабылданады. Байқаудың ережесімен таныс болыңыздар.
Аталмыш шарада Хамит Балшабеков атындағы облыстық байқаудың қорытындысы шығарылып, байқау жеңімпаздары сыйлықтармен марапатталады. Үздік жұмыстар кітапхана сайтына, әлеуметтік желідегі кітапхана парақшаларына қойылады.
Ақиық ақынымызды ұлықтайтын дүбірлі додадан қалып қалмаңыз! Байқауда бақ сынап көріңіздер! Біз сіздерді байқаудың жеңімпаздары ұлықталатын еске алу кешінде күтеміз!
Қосымша ақпарат алу және конкурс шарттарын нақтылау үшін кітапхана телефонына немесе көрсетілген электрондық мекенжайға хабарласыңыз.

Байланыс тел.: 261333