«Ауылдан Алматыға дейін»: шығармашылық кеш

23 шілде күні сағат 11.00-де А.С. Пушкин атындағы облыстық кітапханасында, Қазақстан және Қырғызстан Республикасы Мәдениет саласының үздігі, Жазушылар одағының мүшесі, Қызылқоға ауданының Құрметті азаматы, айтыскер ақын, республикалық, халықаралық ақындар айтысының бірнеше мәрте бас жүлдегері Шалқарбай Сайлаубайұлы Ізбасаровтың «Ауылдан Алматыға дейін» атты оқырманмен кездесу кеші өтеді.

Кеш аясында автордың «Шабытты шақтар» атты екі томдық айтыстар жинағының таныстырылымы болады.
Ізбасаров Шалқарбай Сайлаубайұлы 1989 жылы Атырау облысы, Қызылқоға ауданы, Тайсойған ауылында дүниеге келген.
Х. Досмұхамедов атындағы Атырау мемлекеттік университетінің түлегі.
Әр жылдары мектеп, колледждерде қазақ тілі мен әдебиеті пәнінің мұғалімі, Н. Жантөрин атындағы Атырау облыстық филармониясы мен халық шығармашылығы орталығында маман, Томарлы ауылдық мәдениет үйінде меңгеруші боп қызмет атқарған. Қазір Атырау облыстық «Тіл» оқу-әдістемелік орталығының басшысы қызметін атқарады.
Айтыскер ақын ретінде республикалық, халықаралық ақындар айтысының бірнеше мәрте бас жүлдегері атанған. «Асыл домбыраның» иегері.
Кездесу барысында Шалқарбай Сайлаубайұлы өзінің шығармашылық жолы, айтыс әлеміндегі тәжірибесі мен өмірлік ұстанымдары жайында әңгімелеп, оқырмандардың сауалдарына жауап береді.
Шара жас буынның ұлттық әдебиетке, суырыпсалма өнерге деген қызығушылығын арттыруға, рухани құндылықтарды дәріптеуге бағытталған.
А.С. Пушкин атындағы Шығыс Қазақстан облыстық кітапханасы барша қала тұрғындары мен қонақтарын, әдебиет пен айтыс өнерін қадірлейтін қауымды осы мазмұнды рухани кешке қатысуға шақырады.

Байланыс телефоны: +7 705 624 1725, Абылгазинова Г.