Моңғолиялық әріптестермен кездесу

2022 жылы 5-ші желтоқсан күні А.С.Пушкин атындағы Шығыс Қазақстан облыстық кітапханасына іс-тәжірибе алмасу мақсатында Моңғолияның Баян-Өлгей аймағынан әріптестер келді.

Қазақ тіліндегі кітап қорын толықтыру үшін сапарлап келген әріптестеріміз Ақтан Бабиұлы атындағы Орталық кітапханасының директоры - Алтынгүл Дәлелқызы, библиограф - Бәтима Мұсақызы, кітап қорының меңгерушісі - Өміргүл Дәуейқызы, ақпарат және техника маманы, программист - Батырбол Нұртайұлы ұжымның тыныс-тіршілігімен, кітапхана жұмысымен танысты, қонақтар үшін кітапханаға экскурсия жасалынды.
Қаламыздағы зиялы қауым өкілдері мен ақын-жазушылар, қоғамдық ұйым жетекшілері, кітапхана оқырмандары қатысқан дөңгелек үстел барысында Баян-Өлгейлік әріптестер кітапханада жасалынып жатқан жұмыстар туралы айтып, сұрақтарға жауап берді. Қазақ тіліндегі кітаптар санын арттыру жолында идеялар айтылды.