«Шығыстан шыққан тұңғыш академик»: онлайн форсайт-форум

15 мамыр күні А. С. Пушкин атындағы ШҚО кітапханасының ұйымдастыруымен Zoom платформасында Ұлан ауданының тумасы, филология ғылымдарының докторы, академик Зәки Ахметовтың 95 жылдығына арналған «Шығыстан шыққан тұңғыш академик» атты республикалық онлайн форсайт-форум өтті.

Форумға еліміздегі ғылыми зиялы қауым өкілдері: филология ғылымдарының докторы, профессор, әл-Фараби атындағы Қазақ ұлттық университеті Абай ғылыми-зерттеу институтының директоры Жанғара Дәдебаев; әдебиеттанушы, философ, географ, саяхатшы, Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің директоры Шаңбай Тұрдықұл Қасенұлы; филология ғылымдарының докторы, Л.Н. Гумилев атындағы Еуразия ұлттық университетінің профессоры, Зәки Ахметовтың шәкірті Оразбек Мақпал; профессор, филология ғылымдарының докторы, абайтанушы-ғалым, «Абайтану» орталығының директоры Қартаева Айжан Маратбекқызы; ақын, аудармашы, филология ғылымдарының кандидаты Мұқышева Раушангүл Зақанқызы; филология ғылымдарының кандидаты (PhD), қауымдастырылған профессор Касенов Сәкен Тоқанұлы; Өскемен қаласы «З. Ахметов атындағы атындағы № 16 орта мектебі» КММ директордың әлеуметтік ісі меңгерушісі Қабидолдина Альмира Тілеухановна және т.б. қатысты.
Зәки Ахметұлы «Қазақ әдебиетінің қазіргі дамуы және дәстүрі», «О языке казахской поэзии», «М. Әуезовтың роман-эпопеясы», «Поэтика эпопеи «Путь Абая» в свете истории ее создания» т.б. сынды 12 монография мен 300-ден астам ғылыми зерттеудің авторы. Еңбектері ТМД елдерімен қатар Қытай, Түркия елдерінде жарық көрген.
 

Байланысшы: Кемешева М.Н. т.:26-13-33