Шығыс төріндегі рухани орда – А.С. Пушкин атындағы Шығыс Қазақстан облыстық кітапханасында оқырман жанына жылу, рухына медет сыйлаған тағылымды кеш өтті. Бұл жолы кітапсүйер қауым елорда – Астана қаласынан арнайы келген абзал жан, академик-дәрігер, ақын әрі сазгер, Қазақстан Жазушылар одағы мен Еуразия жазушылар одағының мүшесі Толқын Ақанұлымен жүздесті.

15 мамыр күні сағат 11.00-де  А.С. Пушкин атындағы Шығыс Қазақстан облыстық кітапханасында Өзбекстанның көрнекті ақыны Чори Аваздың рухына арналған «Çorï Avaz: Sözi mäñgilik aqın» / «Чори Аваз: Сөзі мәңгілік ақын» атты әдеби еске алу кеші ұйымдастырылады.

14 мамыр  күні сағат 14. 00-де А.С. Пушкин атындағы Шығыс Қазақстан облыстық кітапханасында ҚР - ның еңбек сіңірген мұғалімі, профессор, ШҚО Тарбағатай ауданының тумасы Бітібаева Қанипа Омарғалиқызының 80 жылдығына  арналған «Аңызға айналған ұстаз» атты еске алу кеші өтеді.

2025 жылдың 5 мамырында А.С. Пушкин атындағы облыстық кітапханада «Ерлік пен бейбітшілік сабақтастығы» атты патриоттық ерлік сабағы өткізілді. Бұл шара Ұлы Отан соғысындағы Жеңістің 80 жылдығына орай ұйымдастырылып, ардагерлер мен жастар арасында естеліктер мен пікір алмасу алаңы болды.

25 сәуір 2025 жылы А.С. Пушкин атындағы облыстық кітапхана қызметкерлері көрнекті қазақстандық тарихшы-ғалым И.В. Ерофееваны еске алуға арналған «Ұлы ДАЛАНЫҢ ТАРИХИ-МӘДЕНИ МҰРАСЫ: ТӘЖІРИБЕ, МӘСЕЛЕЛЕР ЖӘНЕ ЗЕРТТЕУ ПЕРСПЕКТИВАЛАРЫ» атты халықаралық ғылыми-практикалық конференцияға қатысты.

Он бірінші жыл қатарынан жалғасып келе жатқан бірегей халықаралық жоба «Ресей – Қазақстан. Шексіз оқулар – 2025» Ұлы Отан соғысы туралы естеліктер жай ғана тарих ретінде емес, жеке шежіре бөлігі, ұрпақтар сабақтастығы, адамдарды жүрекпен, тағдырмен біріктіретін жоба.    

29 сәуір күні А.С. Пушкин атындағы облыстық кітапханада ғалым, жазушы әрі қоғам қайраткері, академик, техника ғылымдарының докторы, профессор Евней Арыстанұлы Бөкетовтің туғанына 100 жыл толуына орай «Қаныштың ізбасар інісі» атты Zoom платформасында онлайн кездесу өтті.

26 сәуір күні А.С. Пушкин атындағы Шығыс Қазақстан облыстық кітапханасында нәзік лирикасымен оқырман жүрегін жаулаған жас ақын, «Төр Алтай» шығармашылық тобының мүшесі, «Жас қалам» жинағының авторы Шұғыла Төлеубектің шығармашылығына арналған «Шабыт шуағы» атты шағын шығармашылық әдеби кеш өтті.