«KITAP шоу - 2023» жалпы республикалық кітап фестивалі

21 сәуір күні «KITAP шоу – 2023» жалпы республикалық акциясы аясында А.С. Пушкин атындағы Шығыс Қазақстан облыстық кітапханасында Дүниежүзілік кітап және авторлық құқық күніне орайластырылған кітап фестивалі өтті.

Мақсаты – халықтың кітап оқу белсенділігін арттыру, балалар мен жасөспірімдердің сауаттылығын арттыру мен кітап оқу мәдениетін дамыту.
Фестиваль бағдарламасында қонақтарымыз «Баспа сөзінің салоны»: өңірлік авторлар, баспагерлер және кітап сату ұйымдарының жәрмеңке-фестиваліне қатысып, «Ұлы даланың Ұлы тұлғалары» интерактивті кітап көрме-энциклопедиясымен «Абай әлемі» кітаптар топтамасымен жарықа шыққан жерлес қаламгерлер шығармаларының көрмесімен танысты.
Мұхит-Ардагер Сыдықназаровтың «Қазақстанның үзіліссіз мемлекеттілігі тарих толқынында. XVI-XIX ғасырлардағы еуропалық және америкалық карталарындағы Қазақ Мемлекеті» атласына КітапTravel-ге студенттер өте белсенді қатысты.
Тәжірибелі психолог кеңесі, «Фокуста – кітап»: көркем фотосурет бойынша шеберлік-сағаттары мен әдеби ойындарға қонақтарымыз ерекше қызығушылық танытты.