«Кітапханалардың заманауи даму тенденциялары» семинарының нәтижелері

2024 жылғы 16-17 қазан күндері А.С. Пушкин атындағы Шығыс Қазақстан облыстық кітапханасында «Кітапханалардың заманауи даму тенденциялары» тақырыбында кітапханашыларға арналған семинар-практикум өтті.

Шараға Алтай, Шемонаиха, Глубокое және Ұлан аудандарының кітапханашылары қатысты.
Бірінші күні қатысушыларға экскурсия жасалып, олар кітапхананың қызметімен ресурстарымен танысты. Бағдарламада кітапханалық өлкетану тақырыбы талқыланып, мұнда «Шығыс Қазақстанның аңыз-әпсаналары» (https://anyz.pushkinlibrary.kz) интернет-порталда қолданылған креативті тәсілдерге назар аударылды.
Семинар барысында Шығыс Қазақстан облыстық балалар мен жасөспірімдер кітапханасының өлкетанушы-библиографы О.Китаева өз тәжірибелерімен бөлісті. Кітапхананың Өлкетану орталығы «Басқа елеусіз нәрселерді іздеуде» атты өлкетану экспедиция және «Кітапханадағы қымызхана» жобаларын қоса алғанда, өз жұмыстарының нәтижелерімен бөлісті. Жұмыс тәжірибесі кітапхана оқырмандары үшін ұйымдастырылған «Креативті идеялар жәрмеңкесінде» ұсынылды. Өлкетанудың жаңа тәсілі ретінде иммерсивті серуендерді ерекше атап өтті. Орталық қызметкері А. Смирнов тәжірибе жүзінде иммерсивті-серуендеу үлгісін көрсетті.
Қатысушылар «Мен бөліскім келеді» форматында өз тәжірибелерімен бөлісіп, ынтымақтастық пен идея алмасу атмосферасын қалыптастырды.

«Сөредегі инновация: нейрожелілер кітапхана жұмысында. Жанды көрмелер» тақырыбы бойынша қатысушылар нейрондық желілермен тікелей жұмыс істеп, олардың әлеуетін іс жүзінде көре алды. Бұл технологиялардың қол жетімді және өз кітапханаларда да қолдануға болатынына көз жеткізуге мүмкіндік берді.
Семинардың екінші күні ИФЛА/IFLA дүниежүзілік конгресінің мақсаттары мен міндеттері, сондай-ақ Қазақстандық кітапханалардың қатысу тәжірибесі талқыланды. Медиасауаттылық тақырыбы жалғасып, кітапханалардың кітап оқуды насихаттау үшін пайдаланатын жаңа әдістемелер мен технологияларға баса назар аударылды.
Леонова О. Actionbound қосымшасының негізінде кітап бойынша смартфон арқылы жасалған интерактивті квест үлгілерімен бөлісті. Сыныптан тыс оқуды қалай әртараптандыру туралы идеялармен алмасты.
Семинар тренингтен кейінгі жұмыстармен және кері байланыс сессиясымен аяқталды, бұл қатысушыларға алған білімдерін талқылауға және болашаққа жоспар құруға мүмкіндік берді. Шара кітапханашылардың тәжірибе алмасу мен өз ұйымдарының одан әрі дамуына шабыт беру үшін тамаша алаңға айналды.