«Есірткісіз болашақ»: психологиялық тренинг

11 сәуір күні А.С. Пушкин атындағы ШҚ облыстық кітапханада «Есірткісіз болашақ» атты жастарға арналған психологиялық тренинг өтті.

Шараның мақсаты – жастардың санасында есірткіге қарсы көзқарас қалыптастыру, салауатты өмір салтын дәріптеу. Тренингке қаламыздағы колледж студенттері қатысты.
Іс-шараның басты мақсаты – жастарды нашақорлықтың зияны туралы хабардар ету, олардың бойында салауатты өмір салтына деген ынтаны күшейту және бұл дерттің алдын алудың жолдарын қарастыру.
Кәсіби мамандар мен тәжірибелі психологтар жастарға күйзеліспен күресудің, өзін-өзі басқарудың тиімді тәсілдерін, сондай-ақ күнделікті өмірде кездесетін қиындықтарды еңсерудің жолдарын көрсетті.
«Жастар рухы» - «Аманат» партиясының жастар қанатының төрайымы Қорлан Тугамбаева, Өскемен қаласы Психикалық денсаулық орталығының дәрігер-наркологы Сайра Букатова бұл мәселе тек Қазақстанды ғана емес әлем елдерін алаңдатып отырғанын атап өтті, әркім өз ой-пікірін ортаға салды. Қатысушылар топқа бөлініп, жағдаяттық сұрақтарға жауап берді, психологиялық жаттығулар орындады.
«Есірткісіз болашақ» – бұл тек ұран емес, жастардың жарқын өмірге деген сенімді қадамы. Қатысушы жастар нашақорлыққа алып келетін себептерді, оны анықтау жолдарын және алдын алу шараларын тереңірек түсінуге мүмкіндік алды.