Қазақ поэзиясының Хантәңірі

6 ақпан күні А.С.Пушкин атындағы ШҚ облыстық кітапханада поэзия сүйер қауымның басын қосқан ерекше рухани шара өтті.

Мұқағали Мақатаевтың туғанына 95 жыл толуына арналған «Қазақ поэзиясының Хантәңірі» атты әдеби-музыкалық кеш көрерменді жыр әлеміне жетеледі.
Кешке С.Аманжолов атындағы ШҚУ белсенді студенттерінен құралған «Оқырман» клубы мен өнерге бейжай қарамайтын жанашыр жандар жиналды. Ақынның жүрекке жеткен өлеңдері, сырлы әндер мен күмбірлі күйлер кештің көркін ашты.
Поэзия мен музыка үндескен бұл кеш көпшіліктің көңілінде ұзақ сақталары сөзсіз.