«Ұлт ұстазы – Ахмет»

2022 ж. 14 қазан күні А.С. Пушкин атындағы облыстық кітапханада ӘдебиНАВ жобасы аясында қазақтың рухани көсемі атанған Алаш ардақтысы, Ұлт ұстазы Ахмет Байтұрсынұлының 150 жылдық мерейтойына орай «Ұлт ұстазы – Ахмет» әдеби байқауының қорытындысы өтті.

Байқауға қатысушы командалар Ахмет Байтұрсынұлының өмірі, шығармашылығы, қызметіне арналған эссе жазып, шығармаларының бірін нақышына келтіре орындап, өмірі мен қызмет жолынан немесе бір шығармасы желісімен театрландырылған көрініс қойып сынға түсті.
Байқауға кітапхананың «Тамшы» шығармашылық ұйымының мүшелері: С. Аманжолов атындағы Шығыс Қазақстан университеті атынан «Сүмбіле», Абай атындағы Шығыс Қазақстан гуманитарлық колледжінен «Самұрық», ҚАЕУ-нен «Бастау», Өскемен құрылыс колледжінен «Алаш үміті», Өскемен политехникалық колледжінен «Жастар» командалары қатысты.
Жүзден жүйрік шыққан сайып қырандар әділқазы алқалары шешім шығарғанша өздерінің өнерлерін ортаға салды. Қортынды бойынша:
1-орын: Абай атындағы ШҚГК колледжінен «Самұрық»;
2-орын: С. Аманжолов атындағы ШҚУ атынан «Сүмбіле»;
3-орын: ҚАЕУ-нен «Бастау».
Жеңімпаздар арнайы кубоктармен, алғысхаттармен және сыйлықтармен марапатталды.
Жеңімпаздарды жеңістерімен шын жүректен құттықтаймыз!

Байланысшы: Зұлқаршын Г.З.
Тел.: 8-775-830-12-50