Елімізде кітап оқу мәдениетін дамыту, әдеби мұраны дәріптеу мақсатында отандық авторлардың 100 ең танымал кітабы туралы жалпыұлттық сауалнама жүргізілуде. Осыған орай А.С. Пушкин атындағы облыстық кітапханада «Аманат» партиясы өкілдерінің  қатысуымен арнайы шара өткізілді.

23 шілде күні А.С. Пушкин атындағы Шығыс Қазақстан облыстық кітапханасында Қазақстанның еңбек сіңірген қайраткері, суретші-публицист Нұразхан Еркін Ыбрайымұлының «Қаһарман Қасым» атты кітабының тұсаукесері өтті.

Астана күні – мемлекеттік мереке. Әлемдегі үздік 30 қаланың тізіміне енген Астананың өзіндік тарихы бар. "Қазақстан Республикасындағы мерекелер туралы" Заңда Астана күнін тойлау мерзімі 6 шілдеде белгіленген. Астана күнінің ел азаматтары үшін қоғамдық-саяси маңызды саналатын мемлекеттік мәртебесі бар. Осы орайда кітапхананың екінші қабатындағы фойеде " "Еңселі Елорда, Асқақтаған Астана!" атты интерактивті кітап көрмесі оқырман назарына ұсынылды.

Шілде айының бірінші жексенбісі – Ұлттық домбыра күні. 2018 жылдың 13 маусымында «Домбыра күні» мерекесін белгілеу туралы ресми шешім қабылданды. Осыған орай кітапхананың екінші қабатындағы фойеде       «Домбыра күні - ұлттың үні»  атты интерактивті кітап көрмесі оқырман назарына ұсынылды.

2025 жылдың 9 шілдесі күні кітапханада ел руханиятына еңбегі сіңген көрнекті жазушы, мемлекет және қоғам қайраткері, ұлт жанашыры Сәдібек Түгелмен тағылымды кездесу кеші өтті.  Рухани шара туған жерін жүрегіне ту еткен қаламгерге деген ел ықыласының көрінісіндей әсерлі өтті.

А. С. Пушкин атындағы Шығыс Қазақстан облыстық кітапханасында ақын, драматург, Мемлекеттік сыйлықтың лауреаты, халықаралық “Алаш”, тәуелсіз “Платиналы Тарлан” сыйлықтарының иегері Иран-Ғайып Оразбаевпен кездесу өтті.

Шығыс Қазақстан облысы, Катонқарағай ауданында өткен “Алтай – түркі әлемінің алтын бесігі” халықаралық фестивалі аясында А.С. Пушкин атындағы Шығыс Қазақстан облыстық кітапханасы “Абай әлемі” кітаптар топтамасының жаңа шығарылымын көпшілікке таныстырды.

10 маусым күні кітапханада тағдырлы туынды – Міржақып Дулатұлының «Бақытсыз Жамал» романы аясында «Әйел тағдыры: өткен мен бүгін» атты әдеби пікірталас алаңы өтті.