Кітапханада қазақтың маңдайына біткен біртуар сазгер, ұлт руханиятының шамшырағы, Халық Қаһарманы Нұрғиса Атабайұлы Тілендиевтің 100 жылдық мерейтойына арналған «Өз елім!» атты әдеби-концерттік кеш өтті.

31 қазан күні А.С. Пушкин атындағы облыстық кітапханада ұлы композитор, Қазақстанның Халық әртісі, ҚР Мемлекеттік әнұранының музыкасын жазған Шәмші Қалдаяқовтың 95 жылдық мерейтойына арналған «Шарықта, Шәмші әндері!» атты ән байқауы өтті.

Шараға кітапхана жанынан құрылған «Төр Алтайдың әдеби әлемі» клубының мүшелері қатысты. Бұл клубтың құрылғанына үш жылдай уақыт өтті, жүзден астам қатысушысы бар. Байқауға бес жұп қатысып, ән әлемінің әсемдігін көрерменге тамаша жеткізді. Әр түрлі сала өкілдері болса да, барлығының өнерге деген ықыласы мен сүйіспеншілігі ерекше сезілді. Сахнада олар өз таланттары мен орындаушылық шеберліктері арқылы әннің сұлулығын, көңілдің нәзік иірімдерін көрермен жүрегіне жеткізе білді.

Байқаудың ресми бөлігінде клубқа жаңадан қосылған топ мүшелеріне топтың төсбелгісі табысталып, топтың жаңа әнұранының тұсаукесері жасалынды. Әнұранның сөзі жазған Үлкен Нарын ауданының тұрғыны ақын Толқын Уызбаева, әуенін жазған сазгер, ұстаз Талғат Әбішев. Әнді тамылжыта орындаған облысымызға танымал әнші Айдын Алдархан.

Байқауға қатысушы үміткерлер Шәмшінің әндерін айтып, өнерлерін ортаға салды. Шәмші сазымен шырайланған әуендер шеруі көрерменнің көңілінен шықты. Қазылар алқасының шешімімен үздік шыққан байқау жеңімпаздары бағалы сыйлықтармен марапатталды.

Байланыс тел.: 261333

7 қараша күні кітапханада «Арго» Шығыс Қазақстан полиграфиялық компаниясы шығарған жергілікті авторлар кітаптарының таныстырылымы өтті.

2025 жылғы 21 қараша күні кітапханамыздың мәжіліс  залы әдеби шабыттың ордасына айналды. Кітапханада Алтайдың арынды ақыны, айтыс өнерінің үздігі, жазба поэзияда өзіндік өрнек қалдырған Ақтан Нұрбаевтың шығармашылығына арналған «Ақтанымын Алтайдың» облыстық оқулары жоғары деңгейде өтті.

Республика күні қарсаңында кітапханамызда Қазақстан-Американдық Еркін Университетінің Жоғары колледжінің 1-курс студенттерінің және Шоқан Уәлиханов атындағы №3 мектеп-лицейінің 10-сынып оқушыларының қатысуымен интеллектуалды-патриоттық квиз өтті.

Құрметті оқырмандар! Қадірменді әріптестер! Еліміздің жаңа тарихындағы маңызды белестердің бірі – 1990 жылғы 25 қазанда қабылданған «Қазақ КСР-інің мемлекеттік егемендігі туралы Декларация». Бұл құжат Қазақстанның тәуелсіз мемлекет ретінде қалыптасуына негіз қалады. Осы тарихи күннің 35 жылдығына орай А. С. Пушкин атындағы Шығыс Қазақстан облыстық кітапханасы «Тәуелсіздік тұғыры» атты интерактивті кітап көрмесін ұйымдастырып отыр.

29-шы қазан күні кітапханада республикаға есімі белгілі ақын,  Халықаралық «Алаш» әдеби сыйлығын иегері, Жазушылар Одағының мүшесі, бірнеше жыр жинақтарының авторы, ардагер ұстаз Раисова Бақытжан Мұқтарханқызының «Бақыт әкелетін ертегілер» кітабының таныстырылымы өтті.

15 қазанда С. Аманжолов атындағы Шығыс Қазақстан университетінде «Алтай - түркі әлемінің алтын бесігі» атты халықаралық ғылыми-тәжірибелік конференция өтті.